რამდენიმე დღეა ხულოს რაიონში მღელვარება სუფევს. მუსლიმი მოსახლეობა თავის უფლებების დასაცავად ხულოს საკრებულოს შენობის წინ შეიკრიბა.
აქციის მონაწილეები ირწმუნებიან, რომ საქველმოქმედო ფონდი `მადლი 2005` სოციალურად დაუცველი ბავშვების დასახმარებლად ჩამოყალიბდა, რომელსაც ფილიალები ხულოში, ქედაში, ხელვაჩაურსა და ქობულეთში ჰქონდა. ყველა ფილიალი კერძო პირისაგან ნაქირავებ სახლში იყო განთავსებული. სხვადასხვა ინფორმაციით, `მადლი 2005-ში` სკოლის 250 მოსწავლე და სტუდენტი საერო განათლებასთან ერთად სასულიერო განათლებას იღებდა.