ფირნიშები
 
Georgian (Georgia)Turkish (Turkiye)English (United Kingdom)
 
 
მთავარი
ფირნიშები
ფირნიშები
ფირნიშები
ფირნიშები
ფირნიშები

ბოლო სიახლეები





მთავარი გვერდი
მილოცვა ბეჭდვა ელფოსტა

ქართველ მუსლიმთა კავშირის სახელით მინდა შევუერთდე იმ დიდ სადღესასწაულო სიხარულს, რომელსაც მთელი ისლამური სამყარო მოუთმენლად ელოდება . ეს არის ისლამში არსებულ ორ დიდ დღესასწაულთაგან უდიდესი დღესასწაული ყურბან ბაირამი, რომელიც მთვარის კალენდრის მიხედვით მე–12 თვის ზილჰიჯჯას მე–10 დღეს აღინიშნება, მიმდინარე წელს ეს თარიღი 15 ოქტომბერს დაემთხვა. 

სულითა და გულით ვულოცავ ამ წმინდა დღეს მსოფლიოს ყველა მუსლიმს, უზენაესმა გამჩენმა ალლაჰმა იყაბულოს ყველა მათგანის შესაწირი ყურბანი. ამ დღის მადლით ღმერთმა დაამკვიდროს ადამიანთა შორის სიყვარული, მსოფლიოში მშვიდობა, შეწყვეტილიყოს სისხლისღვრა და კაცთმოძულეობა, შოვინიზმი და გაუტანლობა.

განსაკუთრებით მინდა მივულოცო ეს დღე საქართველოში მცხოვრებ ქართველ და არაქართველ მუსლიმებს, ვუსურვებ მათ თავიანთ ოჯახებში სიმშვიდეს, სიუხვეს, ყოველივე კარგს და სხვა აღმსარებლებთან ერთად მშვიდობიან გარემოში თანაცხოვრებას. 

ღმერთმა დალოცოს და ხელი მოუმართოს ყველა კეთილმყოფელ ადამიანს.

ღმერთმა დალოცოს და გააძლიეროს სრულიად საქართველო. აამინ.

ზურაბ(ქემალ) ცეცხლაძე 

ქართველ მუსლიმთა კავშირის თავმჯდომარე

 

 
„მშვიდობიანობის შენება დაყოფილსა და დანაწევრებულ საზოგადოებაში“ ბეჭდვა ელფოსტა

“ქართველ მუსლიმთა კავშირის“ ორგანიზებით ბათუმის დემოკრატიული ჩართულობის ცენტრში საჯარო ლექცია-დისკუსია თემაზე „მშვიდობიანობის შენება დაყოფილსა და დანაწევრებულ საზოგადოებაში -(ბალკანეთის მაგალითზე)“ ჩატარდა. ლექცია წაიკითხა ბრიტანელმა მოძღვარმა დონალდ რიივსიმა. როგორც მოძღვარმა აღნიშნა, ყველაზე მნიშვნელოვანი რელიგიურ კომპესიებს შორის თანამშრომლობა და მეგობრობაა. რონალდ რიივსის თქმით, რელიგიურ უმცირესობებს ანგარიში უნდა გაეწიოთ:

„რელიგიურ უმცირესობებს ანგარიში უნდა გაეწიოს. საქართველოში უმრავლესობა მართლმადიდებელია და ბევრ კარგ საქმე უნდა გააკეთოს ქრისტიანულმა ეკლესიამ. მათშორის ყველაზე მნიშვნელოვანი კი სხვადასხვა რელიგიურ კომფესიებს შორის თანამშრომლობა და მეგობრობაა“, - აღნიშნა რონალდ რიივსმა. 

მოძღვარი დონალდ რიივსი არის ბრიტანელი, ევანგელური ეკლესიის წინამძღვარი საზოგადო მოღვაწე და მშვიდობის დესპანი ბალკანეთის სამშვიდობო პროცესებში.  ის არის ორგანიზაცია “ევროპის სულის” (the Soul of Europe) დამაარსებელი და დირექტორი. მას საგანგებო წვლილი შეაქვს ბრიტანეთში და მთელ მსოფლიოში ქრისტიანთა და მუსლიმთა შორის მეგობრობისა და თანამშრომლობის გაღრმავების საქმეში. რონალდ რიივსმა თავის გერმანელ და ფრანგ მეგობრებთან ერთად დაარსა “12 ქალაქის პროექტი”  რომელიც მოიცავს ევროპის 12 ქალაქს და მიზანად ისახავს ევროპაში ისლამოფობიის დაძლევას. მთავარეპისკოპოს მალხაზ სონღულაშვილის თხოვნით ევროპის იმ თორმეტი  ევროპული ქალაქის სიაში, ლონდონის, პარიზის, ბერლინთან ერთად, ერთი ქალაქის სტატუსით ჩართულია ქალაქი თბილისი და ბათუმიც.

როგორც მალხაზ სონღულაშვილმა ლექციის დამთავრების შემდეგ ჟურნალისტებთან საუბრისას აღნიშნა, სასიხარულოა, რომ თბილისს და ბათუმს მოიაზრებენ როგორც ევროპულ ქალაქებს.

„ძალიან სასიხარულოა, რომ თბილისს და ბათუმს მოიაზრებენ როგორც ევროპულ ქალაქებს. ამასთან, მათ სურთ, მოიაზრონ ეს ქალაქები როგორც მოკავშირეები იმ მიზნით, რომ მოხდეს კულტურებს, რელიგიებს, ადამიანებს შორის მშვიდობიანი ურთიერთობა“, - აღნიშნა მალხაზ სონღულაშვილმა.
 
რონალდ რიივსისთვის სამშვიდობო საქმიანობის გამო, დიდი ბრიტანეთის დედოფალს მისთვის მინიჭებული აქვს ბრიტანეთის იმპერიის წევრის MBE კავალრის წოდება.

რონალდ რიივსი თბილისში საქართველოს ევანგელურ-ბაპტისტური ეკლესიის მთავარეპისკოპოსის მოწვევით იმყოფებოდა. ის ცნობილ ბრიტანელ მხატვარ პიტერ პელცთან ერთად ჩამოვიდა. აჭარაში, ქალაქ ბათუმში კი ისინი „ქართველ მუსლიმთა კავშირის“ სტუმრები იყვნენ.

როგორც „ქართველ მუსლიმთა კავშირის“ თავმჯდომარე ზურაბ ცეცხლაძემ აღნიშნა, მთავარია, მსოფლიოში იყოს მშვიდობა და საქართველომ რელიგიური კომპესიების კუთხით ევროპული გამოცდილება გაიზიაროს.

ლექციის დამთავრების შემდეგ სტუმრებმა ბათუმის ღირშესანიშნაობები დაათვალიერეს, შემდეგ კი მაღალმთიან აჭარას, კერძოდ კი ხულოს რაიონს ეწვივნენ.
 
ხულოდან სტუმრები გოდერძის უღელტეხილით სოფელ ჭელას ესტუმრნენ და პარასკევის ლოცვაზე ჭელელ მუსლიმებს სოლიდარობის ნიშნად ლოცვა აღავლინეს. გაესაუბრნენ ადგილობრივ მუსლიმებს.
 
„ასეთი დონის სტუმრების მისვლა სოფელ ჭელაში ძალიან მნიშვნელოვანია, ერთისმხრივ, იმიტომ რომ სტუმრები არიან ქრისტიანი წინამძღვები, რაც მასპინძლებისთვის ფსიქოლოგიური მახდაჭერის გრძნობას მხარს უჭერს და მეორესმხრივ იმ ფონზე რა ფონიც გვაქვს დღეს ამ რეგიონში რელიგიური დისკრიმინაციის გამოსწორების კუთხით იმედის ნაპერწკასლ აჩენს. სტუმრებმა ლოცვის შემდეგ მეჩეთში მუსლიმ მრევლს გაესაუბრნენ, აქცენტები ქრისტიანობასა და ისლამს შორის დიალოგის მნიშვნელობაზე გაკეთდა. აქვე განაცხადეს რომ მათ მხარში ამოუდგებიან და დაეხმარებიან მინარეთის თავის ადგილზე დაბრუნების საქმეში“. აცხადებს  ქართველ მუსლიმთა კავშირის ხელმძღვცანელი ტარიალ ნაკაიძე.
 
„ჩვენთვის ძალიან მნიშვნელოვანია როცა ჩვენი, ქრისტიანი ძმებს ესმით ჩვენი გულისტკივილისა და ჩვენთან ერთად არიან. ჩვენთვის ძალიან ამაღელვებელი და ამ მძიმე დროს შვება იყო, როცა ლოცვის დროს ჩვენს რიგებში ქრისტიანი წინამძღვრებიც იდგნენ, გვიცხადებენ სოლიდარობას. ასევე მნიშვნელოვანია ევროპელი ქრისტიანი წინამძღვრები გვესტუმრენ და მათაც გავაცანით ჩვენი მდგომარეობის შესახებ. „ აცხადებს სოფელ ჭელის იმამი ჯამბულ აბულაძე.

სტუმრებმა მოინახულეს დასაწყობებული მინარეთი სოფელ ჭელის შესასვლელში და ილოცეს მისი ადგილზე დაბრუნებისათვის.   

 
ბათუმში მუსლიმური მარხვის დაწყებასთან დაკავშირებით საზეიმო ვახშამი გაიმართა ბეჭდვა ელფოსტა
ბათუმში მუსლიმური მარხვის დაწყებასთან დაკავშირებით საზეიმო ვახშამი გაიმართა. "ქართველ მუსლიმთა კავშირის" ორგანიზებით მოწყობილ რელიგიურ იფთარს (ვახშამს) აჭარის მთავრობის თავმჯდომარე, სხვადასხვა რელიგიური კონფესიებისა და არასამთავრობო ორგანიზაციების წარმომადგენლები ესწრებოდნენ. ასევე, რამადანის დაწყებასთან დაკავშირებით, თურქეთის ქალაქ ინეგოლის მერიისა და "ინეგოლის ქართული დიასპორის" წარმომადგენლები საგანგებოდ სტუმრობდნენ ბათუმს.
 
საზეიმო ვახშამი მისასალმებელი სიტყვით გახსნა „ქართელ მუსლიმთა კავშირის თავმჯდომარემ ზურაბ ცეცხლაძემ. „მინდა მოგილოცოთ ეს წმინდა თვე, რამადანი. ეს არის თვე უდიდესი მოთმინების, ქველმოქმედების, ღვთისმსახურების და თვე რომელშიც დაიწყო ბოლო ღვთიური სიტყვის გარდმოვლინება კაცობრიობაზე. ასევე მინდა ვისარგებლო შემთხვევით და მივესალმო ჩვენს მობრძანებულ სტუმრებს, სხვადასხვა სამთავრობო და არასამთავრობო ორგანიზაციებს, სხვადასხვა რელიგიის წარმომადგენელ სასულიერო პირებს. რელიგია არ უნდა გახდეს ადამიანთა შორის ურთიერთობის გამყოფი ზღვარი, რადგან უზანაესი ღმერთი სიყვარულს გვავალებს, რაც გულისხმობს ადამიანების მიმართაც სიყვარულს. მინდა გავიხსენო წმინდა მუჰამმედ შუამავალის ქმედება მედინაში, როცა მას სტუმრად ეწვივნენ ქრისტიანი სასულიერო პირები. წმინდა მუჰამმედ შუამავალმა კარვები გაუშალა და დააბინავა მასჯიდი ნაბავიში (შუამავლის მეჩეთი-მედინაში). კვირას, როცა საკვირაო წირვის დრო მოვიდა მათ გაუთავისუფლა მეჩეთი, გამოუყო შესაბამისი ადგილი, რათა საშუალება მისცემოდათ თავიანთი რელიგიის შესაბამისად აღესრულებინათ ლოცვა. როცა მექაში კერპთაყვანისმცემლებმა წმინდა მუჰამმედ შუამავალი და მისი მიმდევრები შეავიწროვეს, შუამავალმა  თავისი მიმდევრები ქრისტიან მეფესთან  ეთიოპიაში გააგზავნა. მუსლიმ ძმებს განუცხადა „წადით ეთიოპიაში იქ განაგებს  ქრისტიანი მეფე, რომელიც არის სამართლიანი და ის შეგიფარებთო“. ქრისტიანი მეფის ქმედებაც სამაგალითო იყო. მან უარი განუცხადა მექელ კერპთაყვანისმცემლებს იმ შეთავაზებაზე და დიდძალ ოქრო-ვერცლის ძღვენზე, რომლის სანაცვლოდ ითხოვდნენ უარი ეთქვა მუსლიმების მფარველობაზე. ბატონებო და ქალბატონებო, ისლამის პირველსავე ხანებში,  ქრისტიანებსა და მუსლიმებს, როცა ასეთი ურთიერთობის მაგალითები გვაქვს დღეს რა გვემართება. რა გვაშორებს ერთმანეთისაგან, რატომ არ ვაძლევთ ლოცვის უფლებას ერთმანეთს.  მრავალფეროვნება,  სხვადასხვა რელიგიური აღმსარებლობა, მრავალეთნიკური მოზაიკა ჩვენი ქვეყნის სიმდიდრეა.  ამას გფრთხილება და მოვლა სჭირდება, რათა ავაშენოთ დემოკრატიული და სამაგალითო ქვეყანა“,- აღნიშნა ზურაბ ცეცხლაძემ.
 
სრულიად საქართველოს მუფთმა ჯემალ პაქსაძემ მუსლიმებს ბაირამი მიულოცა და აღნიშნა, რომ ისლამის მიმდევრებმა წელიწადის ერთი თვე, რამადნის თვე უნდა იმარხონ. "საქართველოში მცხოვრებ მუსლიმებს ვულოცავ მარხვის ძვირფას დღეებს. მარხვის მადლი ჰფარავდეს ყველას, განურჩევლად ერისა და აღმსარებლობისა. რამადანი არის ისლამის საფუძვლიდან ერთ-ერთი პირობა, რომ ადამიანმა წელიწადში ერთი თვე უნდა იმარხულოს. შემდეგ კი საზეიმო ბაირამით აღნიშნოს მარხვის დასრულება", - აღნიშნა ჯემალ პაქსაძემ.
 
აჭარის მთავრობის თავმჯდომარე არჩილ ხაბაძემ მუსლიმ მრევლს რამადანის დაწყება მიულოცა და მრევლს ზაფხულის გრძელ დღეებში მარხვის დროს გამძლეობა უსურვა: "ჩვენს დებს და ძმებს, სისხლს და ხორცს, ვულოცავ რამაზანის დაწყებას, ვუსურვებ ჯანმრთელობას, სიკეთეს, ბედნიერებას. ვიცი, რომ ყველაზე რთული დრო მარხვისთვის არის ზაფხული, დღე ყველაზე გრძელია და ყველას ვუსურვებ გამძლეობასა და ბედნიერებას", - აღნიშნა არჩილ ხაბაძემ.
 
რამადანი ისლამური კალენდრის მეცხრე თვის სახელწოდებაა. ამ თვეში განთიადიდან მზის ჩასვლამდე ყველა მუსლიმი მარხულობს. ამ დროს, ისინი ყველანაირ საჭმელზე, სასმელსა და სქესობრივ კავშირზე უარს ამბობენ. მოხუცები ავადმყოფები, მოგზაურობაში მყოფი ადამიანები და ფეხმძიმე ქალები ნებადართული არიან ამ დროს მარხვა დაარღვიონ, თუმცა წელიწადის სხვა დროს მათ ეს მარხვა უნდა შეასრულონ (აანაზღაურონ). 

 
"ქართველ მუსლიმთა კავშირის" წარმომადგენლებმა ევანგელისტურ-ბაპტისტური ეკლესიის წინამძღვარს, მთავარეპისკოპოს მალხაზ სონღულაშვილს რელიგიათაშორის მეგობრობის გამყარებისთვის სპეციალური დიპლომი გადასცეს. მთავარეპისკოპოსმა მუსლიმებს რამადნის დაწყება მიულოცა და აღნიშნა, რომ ეს თვე მუსლიმების სულიერი აღმავლობის თვეა. 

"მივულოცავ ჩვენს მუსლიმ დებსა და ძმებს ამ ძვირფას დღესასწაულს. ეს თვე მუსლიმების სულიერი აღმავლობის თვეა. შემდეგ კი არის ბაირამობა. ვუსურვებ მთელ სამშობლოს, შეგვეძლოს ერთად ვიზეიმოთ ყველა ის საზეიმო, რაც გვაქვს", - აღნიშნა მალხაზ სონღულაშვილმა. 
 
"ქართველ მუსლიმთა კავშირის" ხელმძღვანელის, ტარიელ ნაკაიძის თქმით, მარხვის თვეში მუსლიმებისთვის მნიშვნელოვანია ღვთისმსახურება, ქველმოქმედება, გაჭირვებულების დახმარება და სწორედ ქველმოქმედების ერთ-ერთი მაგალითია, მარხვის თვეში მორწმუნე ადამიანების ვახშამზე მიპატიჟება.

წელს რამადანი დაიწყო 9 ივლისს და დასრულდება 8 აგვისტოს რელიგიური დღესასწაულის, ბაირამის აღნიშვნით. ისლამის წესის მიხედვით, ყოველდღიურად 5 დროის ლოცვა სრულდება. მარხვის თვეში ძილისწინა ლოცვის შემდეგ სრულდება დამატებით, თარავის ლოცვა, რომელიც 1 საათს გრძელდება. რამადნის თვე მნიშვნელოვანია იმითაც, რომ სწორედ რამადანის თვეში დაიწყო ღვთიური სიტყვა "ყურანის" მოვლინება, რომელიც 23 წლის განმავლობაში გრძელდებოდა.
 
"ქართველ მუსლიმთა კავშირი" დაარსდა 2008 წელს. კულტურულ-რელიგიური ორგანიზაციის მიზანია, საზოგადოებას გააცნოს ისლამი სწორი მიმართულებით და დაამსხვრიოს ისლამის მიმართ არასწორი სტერეოტიპები. ასევე, ორგანიზაცია ხელს უწყობს საქართველოს ფარგლებს გარეთ მცხოვრებ ქართველი მუსლიმების დაახლობას, ეხმარება მათ ქართული ცნობიერების ჩამოყალიბებაში და აღნიშნულთან დაკავშირებით, მართავს სხვადასხვა სახის ღონისძიებებს.
 
ISLAM.GE  
 

 
საჯარო ლექცია- დისკუსია ბათუმში - „ურთიერთკავშირები ქრისტიანობასა და ისლამს შორის ბეჭდვა ელფოსტა
„ქართველ მუსლიმთა კავშირის“ ორგანიზებით ბათუმში ლექცია-დისკუსია თემაზე „ურთიერთკავშირები ქრისტიანობასა და ისლამს შორის“ მოეწყო. ბათუმის დემოკრატიული ჩართულობის ცენტრში ლექცია წაიკითხა ბრიტანელმა მეცნიერმა ტაჯ ჰარგიმ, რომელიც ბრიტანეთში ცნობილია როგორც, ცნობილი მუსლიმი მეცნიერი და იმამი. დისკუსია ორ საათზე მეტ ხანს გაგრძელდა, რომლის დროსაც განხილული იყო სხვადასხვა საკითხი. მათ შორის, თუ რომელი რელიგიის მიმდევრები უნდა იყვნენ სხვადასხვა რელიგიის მიმდევარი წყვილის შვილები. ასევე, დისკუსიის დროს საუბარი შეეხებოდა შერეული ქორწინების საკითხებს.  ტაჯ ჰარგი აღნიშნავს, რომ მისთვის ამოსავალი წერტილია ყურანის მოძღვრება:

 „ჩემი მისიაა ისლამის გზავნილი გითხრათ. ისლამის ფილოსოფიაა, რომ ქრისტიანები და მუსლიმები ერთად მშვიდად ცხოვრობდნენ. ისლამი გვიქადაგებს, რომ ტოლერანტები უნდა ვიყოთ რელიგიის მხრივ. არ უნდა იყოს ექსტრემიზმი არც მუსლიმური სახელმწიფოების და არც ქრისტიანული სახელმწიფოების მხრიდან. მყავს ქრისტიანი მეუღლე, 20 წელია დაქორწინებული ვართ. ოქსფორდის უნივერსიტეტში ვკითხულობ ლექციებს და ვარ იმამი ოქსფორდის მეჩეთში. ჩვენ მშვიდად ვცხოვრობთ. არ მინდა ადამიანები რელიგიის გამო დისკრიმინაციას განიცდიდნენ“, - აღნიშნა თაჯ ჰარგიმ.

ასევე, ტაჯ ჰარგი არის ოქსფორდის ისლამური კონგრეგაციის და ყველაზე გონიერი მუსლიმთა თემის იმამი გაერთიანებულ სამეფოში. დღესდღეობით, დოქტორი არის ინოვაციური ისლამური სკოლების დამფუძვნებელი. მისი ლიბერალური შეხედულებები რეგულარულად ქვეყნდება  ეროვნულ პრესაში. მას ხშირად იწვევენ ადგილობრივ და სახელმწიფო რადიოებსა და ტელევიზიებში.

ტაჯ ჰარგი ბათუმში მეუღლესთან ჯაკი ვუდმანთან ერთად იმყოფებოდა. როგორც ჯაკი ვუდმანმა აღნიშნა, მისთვის ხელისშემშლელი არ არის სხვა რელიგიის მიმდევარ მეუღლესთან ერთად თანაცხოვრება. მისივე თქმით, ისინი პატივს სცემენ ერთმანეთის რელიგიას:

„მე და ჩემი ქმარი დიდი ხანია ვართ ქორწინებაში. სხვადასხვა რელიგიის მიმდევარი ვართ, მაგრამ როგორც საკუთარ ასევე, შენი პარტნიორის რელიგიას უნდა სცემდე პატივს. როგორც წყვილს უნდა გაგაჩნდეს სულიერი სივრცე. ჩვენ გაგვაჩნია ეს სივრცე, ჩვენ პატივს ვცემთ რელიგიურ ტრადიციებს. როგორც მუსულმანებს ისევე ქრისტიანებს გაგვაჩნია ერთნაირი ფასეულობები ღმერთის პატივისცემის მხრივ, რადგან ეს მოიცავს სიკეთეს. იმის გამო, რომ ჩემი ქმარი მუსულმანია, მე არ მიშლის ხელს რომ ვიყო ქრისტიანი“, - აღნიშნა ჯაკი ვუდმანმა.

შეხვედრა „ქართველ მუსლიმთა კავშირის“ ორგანიზებით ჩატარდა. როგორც ორგანიზაციის ხელმძღვანელმა ტარიელ ნაკაიძემ აღნიშნა, დისკუსიის მიზანი იყო ფართო საზოგადოებისთვის მიეწოდებინა სწორი ინფორმაცია ორი დიდი რელიგიის შესახებ:

„ბათუმში მოვიწვიეთ, რათა გარკვეულწილად მივაწოდოთ ინფორმაცია საზოგადოებას რელიგიებს შორის ურთიერთობის შესახებ. ანუ რელიგია არ უნდა იყოს გამყოფი ზღვარი ადამიანების ურთიერთობებში. თვითონ ისინი კარგი მაგალითი არიან, რადგან დიდ ბრიტანეთში მათი მოღვაწეობა ინტერ-რელიგიურ დიალოგთან დაკავშირებით არის მნიშვნელოვანი. საკუთარ ცხოვრებაში რეალიზებულნი არიან, იქედან გამომდინარე, რომ ბატონი თაჯი არის მუსლიმი, ხოლო ქალბატონი ჯაკი ქრისტიანი, 20 წელია შეუღლებულები არიან და რელიგიური თვალსაზრისით არ აქვთ რაიმე პრობლემა“, - აღნიშნა ტარიელ ნაკაიძემ.

დოქტორი ტაჯი ჰარგი და მისი მეუღლე, ჯაკი ვუდმანი საქართელოში მოწვეულნი არიან საქართველოს ევანგელურ ბაპტისტური ეკლესიის მთავარეპისკოპოსის მალხაზ სონღულაშვილის მიერ. თბილისის მშვიდობის საკათედრო ტაძარში 7 ივლისს ჩატარდება საკვირაო ლიტურგია, სადაც ბრიტანელი მუსლიმი მეცნიერი შეასრულებს ქადაგებას ზემოთ მოცემული თემაზე.

  

 
რამდენად ღირებულია ბათუმში კიდევ ერთი მეჩეთის მშენებლობა ბეჭდვა ელფოსტა

 

ქალაქ ბათუმში ახალი მეჩეთის მშენებლობის საკითხი თითქმის ორ წელზე მეტია აქტუალური.  ეს თემა სხვადასხვა ტელეარხის სადისკუსიო საგანიც კი გახდა. მოსახლეობის ერთ ნაწილი პროტესტს გამოთქვამდა თურქეთ-საქართველოს შორის მოლაპარაკების იმ ფორმატზე, რომელიც ნაცვალგების პრინციპით საქართველოში, კერძოდ, ბათუმში მეჩეთის მშენებლობასა და თურქეთში კი ისტორიულ ტაო-კლარჯეთში ქართული კულტურული მემკვიდრეობის ძეგლების აღდგენას უკავშირდებოდა. თემა უფრო აქტუალური გახდა წინასაარჩევნო კამპანიის წარმოებისას, განსაკუთრებით ოპოზიციის მიერ. მსჯელობა და პროტესტის მნიშვნელოვანი აქცენტი მეჩეთის სახელწოდებას, აზიზიეს შერქმევას და ადგილს ეხებოდა. ამ სახელის მეჩეთის აგება საზოგადოების ერთი ნაწილისათვის კატეგორიულად მიუღებელი იყო. სხვადასხვა ინტერვიუებიდან ჩანს, რომ მეჩეთის აშენების მომხრეებიც, კერძოდ მუსლიმი ქართველებიც, სახელისა და დეკლარირებული ადგილის გამო მაინცდამანიც კმაყოფილები არ იყვნენ.  მეჩეთის თემას არჩევნების შემდეგ უფრო მეტი რეზონანსი მოჰყვა. ახლადარჩეული მავრობის პრემიერ-მინისტრმა  ბატონმა ბიძინა ივანიშვილმა თურქეთში ვიზიტისას განაცხადა, რომ "ბათუმსა და აჭარაში ჩვენი ქართველი მუსულმანები ძალიან ბევრია, ასევე, ბლომად არიან მუსულმანი ტურისტებიც და არ არის საკმარისი სალოცავი. ეზოში გამოდიან და მეჩეთის ეზოშიც ვერ ეტევიან და ქუჩაში უწევთ ლოცვა ხშირად. 200-ზე მეტი მეჩეთია და არ არის პრობლემა სხვა მეჩეთის აშენების.

ბათუმში ახალი მეჩეთის აშენებას მოითხოვს სრულიად საქართველოს მუსლიმთა სამმართველო. „ქართველ მუსლიმთა კავშირი“ ეთანხმება პრემიერ-მინისტრის პოზიციას და ღიად საუბრობს მეჩეთის საჭიროების შესახებ. Islam.ge გაესაუბრა ქართველ მუსლიმთა კავირის თავმჯდომარის მოადგილეს ბატონ ტარიელ ნაკაიძეს.

- ბატონო ტარიელ, მართლაც საჭიროა ახალი მეჩეთი?

დაწვრილებით...
 
„ქართველ მუსლიმთა კავშირი“ ბათუმში უცხოეთის და საქართველოს ქრისტიან სასულიერო დელეგაციებს მასპინძლობს ბეჭდვა ელფოსტა

 

გუშინ 22 იანვარს ქართველ მუსლიმთა კავშირმა" ბათუმში მიიღო მაღალი რანგის სტუმრები  დიდი ბრიტანეთის და ამერიკის შეერთებული შტატების სასულიერო პირების შემადგენლობით. დელეგაციის ჩამოსვლის მიზანი საქართველოში მუსლიმთა და ქრისტიანთა ურთიერთობის გაცნობა და ორ მონოთეისტურ რელიგიას შორის მეგობრული თანამშრომლობის გაღვივება და გაღრმავება, ასევე, საქართველო მოქმედ მუსლიმურ ორგანიზაცეიბთან კავშირების დამყარება და ურთიერთობების გაგრძელება იყო. უცხოელ დელაგაციასთან ერთად ბათუმში სტუმრად იმყოფებოდნენ საქართველოს ევანგელურ-ბაპტისტური ეკლესიის მთავარეპისკოპოსი მალხაზ სონღულაშვილი, საქართველოს ევანგელურ-ბაპტისტური ეკლესიის ქორეპისკოპოსი ილია ოსეფაშვილი, საქართველოს ევანგელურ-ბაპტისტური ეკლესიის ეპისკოპოსი მერაბ გაფრინდაშვილი და ეკლესიის სხვა წევრები. ბათუმელი მუსლიმები ურთიერთობების უფრო გაღრმავების მიზნით სტუმრებს თავიანთ ოჯახებში გაუმასპინძლდნენ.

 Islam.ge შეეცადა გასაუბრებოდა დელეგაციის წევრებსა და შეხვედრის ორგანიზატორებს.

ეს შეხვედრა მიზნად ისახავს ორი დიდი ცივილიზაციის, ისლამურ და ქრისტიანული კულტურის ურთიერთ თანამშრომლობას, ჩვენს უცხოელ მეგობრებს გავუზიარეთ საქართველოში მუსლიმ და ქრისტიან ადამიანების თანაცხოვრების ტრადიცია. სტუმრებმა გაგვაცნეს მათ ქვეყნებში არსებული გამოცდლებებიმივიღეთ ინფორმაცია თავიანთ ქვეყნებში სახელმწიფოსა და რელიგიებს შორის ურთიერთობების შესახებ. შეხვედრამ კიდევ ერთხელ ცხადჰყო, რომ ურთიერთთანაცხოვრებას, ტოლერანტული დამოკიდებულებებს, რელიგიათა შორის დიალოგს ალტერნატივა არ აქვს. განაცხადა ქართველ მუსლიმთა კავშირის თავმჯდომერემ ზურაბ ცეცხლაძემ.

სტუმრებს გაუმასპინძლდნენ ქართველ მუსლიმთა ოჯახებმა.ჩემთვის დიდი ბედნიერება იყო, როცა ჩემს ოჯახში მესტუმრნენ ამერიკის შეერთებული შტატებიდან ქრისტიანი დები. ამისათვის მინდა მადლობა ვუთხრა ქართველ მუსლიმთა კავშირის ხელმძღვანელობას. აირჩიეს ჩემი ოჯახი და მომცეს შანსი მემასპინძლა ამ მეტად მნიშვნელოვან და პატივცემულ სტუმრებისათვის. მიუხედავად იმისა, რომ ჩვენ კარგად ვერ ვფლობდით ინგლისურს ენას, იმ სიყვარულმა და პატივისცემამ, რაც ჩვენს შორის ჩამოყალიბდა და რაც მოდიოდა ჩვენი სტუმრებისაგან გაგვიმარტივა  ურთიერთგაგება. აცხადებს მუსლიმი მასპინძელი ოჯახის წევრი ქალბატონი ირინა ღორჯომელაძე.

 ძალიან მოვიხიბლე ქართული სტუმართმოყვარეობით, ჩვენი სურვილი იყო ქართველი მუსლიმების უკეთ გაცნობის მიზნით ბათუმში მოგვცემოდა საშუალება ერთი ღამე გვეცხოვრა ქართველ მუსლიმების ოჯახებში. მინდა მადლობა ვუთხრა ქართველ მუსლიმთა კავშირს, ჩვენს მასპინძლებს, მოგვცეს ამის საშუალება და შეგვახვედრეს მუსლიმ დებთან. მე გამიმართლა ჩემი მასპინძელი ბატონი გიორგი ჩოგაძე კარგად ფლობდა ინგლისურ ენას და არ შემქმნია ენობრივი ბარიერი, თუმცა ჩემმა მეგობრებმა, როგორც მითხრეს მასპინძელთა ის მიმიკა, ის სტუმართმოყვარული დამოკიდებულება და სიყვარული, რომელიც მოდიოდა მათი მხრიდან ყველანაირად ლახავდა ენობრივ ბარიერის პრობლემას. მე წარმოვადგენ ამერიკელ ბაპტისტ ქალთა ნაციონალური საზოგადოებას დღეს ჩვენ დელეგაციაში ვიმყოფებით სულ 11 ქალი, ყველა წარმოადგენს სხვადასხვა დამოუკიდებელ ორგანიზაციას და სასულიერო პირს. ჩვენ ყველა მადლიერი და კმაყოფილი ვართ ბათუმში ვიზიტით. აცხადებს ამერიკელ ბაპტისტ ქალთა ნაციონალური საზოგადოების აღმასრულებელი დირექტორ ვირჯინია ჰოლმსტრომი.

 ჩვენი დამოკიდებულება სხვა აღმსარებლობის მიმართ არის ტოლერანტული, ცნობილი 11 სექტემბრის ტერაქტების შემდეგ ძალიან დაიძაბა ურთიერთობები ამერიკაში მუსლიმ მრევლის მიმართ. ჩვენ და ჩევნი ეკლესიები ისხდნენ მეჩეთის კარებთან და ცდილობდნენ მუსლიმებს მხარში დადგომოდენ მოსახლეობის აგრესიის წინააღმდეგ. ამავე დროს ვცდილობდით გაგვემარტა, რომ ტერორიზმს არანაირი საერთო არ აქვს ისლამთან. ვცდილობდით ჩვენს ამერიკელ მუსლიმ დებთან და ძმებთან ერთად ამერიკის მოსახლეობისათვის გაგვეცნო ზოგადად ისლამის მთავარი საფუძვლების შესახებ. ვფიქრობ ჩვენმა ასეთმა კოორდინირებულმა მუშაობამ კარგი შედეგი მიიღო. თავიდან ავიცილეთ ბევრი გაუგებრობები, რომელიც შეიძლება მოჰყოლოდა  ხსენებულ მოვლენებს. ჩვენ მხარი დავჭირეთ ამერიკაში ცნობილი მეჩეთის მშენებლობას. მჭიდრო ურთიერთობა გვაქვს ჩდრილოეთ ამერიკის  მუსლიმურ გაერთიენებასთან და ჩვენი სურვილია საქართველოში გაგრძელდეს მუსლიმურ ორგანიზაციებსა და მუსლიმ მრევლთან მჭიდრო ურთიერთობები. მოხარული ვარ, რომ ვიმყოფები საქართველოში, ქალაქ ბათუმში. მადლობას ვუხდი ჩვენს მუსლიმ მეგობრებს, რომლებმაც დაგვაბინავეს თავიანთ ოჯახებში, რამაც უფრო მეტი საშუალება მოგვცა ახლოდან გავცნობოდით ერთმანეთს.“ აცხადებს  როი მედლეი ჩრდილოეთ ამერიკის ეკლსიათა საბჭოს პრეზიდენტი. ამერიკის ბაპტისტური ეკლესიის გენერალური მდივანი.

 დელეგაცია ჩამოსული არის საქართველოში, რათა დაადასტუროს მეგობრობა, სიყვარული. გამოითქვა სურვილი, რომ თანამშრომობა გაღრმავდეს განმტკიცდეს, ქრისტიანებსა და მუსლიმებს შორის, არამარტო საქართველოში არამედ საქართველოს ფარგლებს გარეთ. აჭარა არის ორი ცივილიზაციის საზღვარი, კარიბჭე, ის მაგალითი, რომელსაც  აჭარა მისცემს ქრისტიანთა და მუსლიმთა მეგობრობას სამაგალითო იქნება დანარჩენ სამყაროსთან. ჩვენი რელიგიების საფუძვლები აბრაამისეულია, რაც შეიძლება იქცეს ჩვენი ურთიერთობების მთავარ ღეძად.“ განაცხადა ბათუმის მეჩეთში შეხვედრისასევანგელურ-ბაფტისტური ეკლესიის მთავარეპისკოპოსმა მალხაზ სონღულაშვილმა.

 სტუმრები ბათუმის მეჩეთს ესტუმრნენ, შეხვდნენ სრულიად საქართველოს მუფთს ბატონ ჯემალ პაქსაძეს. მეჩეთში შედგა ერთობლივი ლოცვა.ჩვენ ბედნიერნი ვართ გაჩენილთა შორის უფალმა ადამიანებად გაგავაჩინა, ისლამი არის სიყვარულის, მეგობრობის, მშვიდობის რელიგია. ჩვენ ადამიანები ვალდებულნი ვართ ერთმანეთთან ვიურთიერთოთ და ვითანამშრომლოთ. აჭარა გამოირჩევა თავისი ტოლერანტობით. აქ ერთ ოჯახში შეიძლება იყოს მუსლიმი, ქრსტიანიც. ჩვენი თანაცხოვრება ალბათ სამაგალითო იქნება მსოფლიოში. “ ასე მიმართა სტუმრებს მუფთმა ბატონმა ჯემალ პაქსაძემ.

მე ბედნიერი ვარ, რომ ვიმყოფები საქართველოში, 20 წელია ამ ქვეყანასთან მაქვს შეხება და ზოგადად ვიცნობ  ქართველების კულტურას. მე აღფრთოვანებული ვარ ქართველ მუსლიმთა კავშირის მასპინძლობით, ასევე იმ ოჯახების მიმართ ვინც ჩვენ გაგვიმასპინძლდნენ თავიანთ ოჯახებში. ასევე მინდა დიდი მადლობა გითხრათ ბატონო მუფთო ასეთი თბილი მიღებისათვის მეჩეთში. ინგლისში მე სადაც ვცხოვრობ და ვმოღვაწეობ ცხოვრობენ ძალიან ბევრი მუსლიმი, სამწუხაროდ ისინი დაყოფილი არიან სხვადასხვა ეთნიკური და წარმომავლობის ნიშნით. თქვენთან დავინახე ერთიანობა და მიხარია, რომ არსებობს საერთო სამმართველო მუსლიმებისა საქართველოში. ასე რომ იყოს ჩვენს ქვეყანაშიც უფრო ადვილი იქნება ურთიერთობა მუსლიმებისა და ქრისტიანებს შორის. ვფიქრობ ჩვენ ქვეყანაში მცხოვრებმა მუსლიმებმაც უნდა გადაიღონ საქართველოს ეს მაგალითი. " მეჩეთში შეხვედრისას განაცხადა ვეიკფილდის ეპისკოპოსმა, ლორდთა პალატის წევრიმა და უსაფრთხოებისა და თავდაცვის კომისიის წევრმა პატივცემულმა სტეფან პლატტენმა.

 უცხოელების დელეგაცია მეჩეთში შეხვედრის შემდეგ მიიღო აჭარის ავტონომიური რესპუბლიკის მთავრობის თავმჯდომერემ ბატონმა არჩილ ხაბაძემ. მთავრობის სახლში გამართულ შეხვედრაზე რამდენიმე თემა იქნა განხილული, მათ შორის, აჭარაში, კერძოდ ქალაქ ბათუმში ახალი მეჩეთის მშენებლობის საკითხიც. რელიგიათა წარმომადგენლების განცხადებით, მუსლიმან აღმსარებელთა სიმრავლის გამო, სასურველია რეგიონში კიდევ ერთი სალოცავი აშენდეს.

მთავრობის თავმჯდომარის განცხადებით, ამ თემაზე კონსულტაციები აქტიურად მიმდინარეობს, მთავრობა მზადაა ხელი შეუწყოს მუსლიმებს და აგებული იქნას, ბათუმში ანდა მის შემოგარენში ახალი მეჩეთი".

 

 სტუმრები ამ შეხვედრის შემდეგ გადავიდნენ ქართველ მუსლიმთა კავშირის ოფისში, სადაც ამერიკელი ქრისტიანი დების მიერ ხელი ნაქსოვი შარფები, საჩუქრად გადასცეს ქართველ მუსლიმ მასპინძელ ქალბატონებს.

 ეს პატარა საჩუქარი სახელდახელოდ მოქსოვეს ჩვენი ორგანიზაციების წევრმა ქალებმა და ქართველი მუსლიმი ქალებისა და ამერიკელი ქრისტიანი ქალების მეგობრობის ნიშნად. მათი სახელით გვინდა გადმოგცეთ ეს სიმბოლური საჩუქარი.განუცხადა მასპინძელ ქალბატონებს ვაშინგტონში ქალთა საზოგადოების ხელმძღვანელმა ქალბატონმა კარენ კონოვერმა.

ქართველ მუსლიმთა ქავშირის თავმჯდომარემ სტუმრებს საჩუქრად გადასცა ქართულად თარგმნილი 

ყურანი.

 სტუმრებმა დაათვალიერეს ბათუმის სახვადასხვა ღირშესანიშნაოები. სტუმრები დღეს 23 იანვარს გაემგზავრნენ თბილისში.

Islam.ge

 

 

 
„ქართველ მუსლიმთა კავშირი“ ბათუმში უცხოეთის სასულიერო დელეგაციებს მასპინძლობს ბეჭდვა ელფოსტა

 „ქართველ მუსლიმთა კავშირი“ დიდი ბრიტანეთის და ამერიკის შეერთებული შტატების სასულიერო დელეგაციებს ბათუმში მასპინძლობს.   

დელეგაციის ჩამოსვლის მიზანი საქართველოში მუსლიმთა და ქრისტიანთა ურთიერთობის გაცნობა და ორ მონოთეისტურ რელიგიას შორის მეგობრული თანამშრომლობის გაღვივება და გაღრმავება. ასევე, საქართველო მოქმედ მუსლიმურ ორგანიზაცეიბთან კავშირების დამყარება და ურთიერთობების გაგრძელება. უცხოელ დელაგაციასთან ერთად ბათუმში სტუმრად იმყოფებიან საქართველოს ევანგელურ-ბაპტისტური ეკლესიის მთავარეპისკოპოსი მალხაზ სონღულაშვილი, საქართველოს ევანგელურ-ბაპტისტური ეკლესიის ქორეპისკოპოსი ილია ოსეფაშვილი, საქართველოს ევანგელურ-ბაპტისტური ეკლესიის ეპისკოპოსი მერაბ გაფრინდაშვილი. ბათუმელმა მუსლიმებმა ურთიერთობების უფრო გაღრმავების მიზნით სტუმრები თავიანთ ოჯახებში მიიღეს.

 

„ქართველ მუსლიმთა კავშირი“, დელეგაციასთან ერთად, დღეს აჭარის მთავრობასთან გამართავს შეხვედრას. 14 კაციანი დელეგაცია ბათუმს გუშინ ეწვია.

 გაერთიანებული სამეფოს დელეგაცია

1. მისი უბრწყინვალესობა სტეფან პლატტენი, ვეიკფილდის ეპისკოპოსი. იგი არის ლორდთა პალატის წევრი და უსაფრთხოებისა და თავდაცვის კომისიის წევრი. მას საქართველოსთან მრავალწლიანი მეგობრობა აკავშირებს. პირველად იგი საქართველოში ჩამოვიდა 20 წლის წინ, როგორც კენტერბერიის მთავარეპისკოპოსის წარმომადგენელი. ამ ხნის განმავლობაში ლორდთა პალატაში (ინგლისის პარლამენტი) და ბრიტანულ საზოგადოებაში იგი საქართველოსთან მეგობრობას უწყობს ხელს.

2.
დრ. ჩარლზ ვილიამ რიიდსაგარეო პოლიტიკის მრჩეველი; ინგლისის ეკლესიის საჯარო საქმეთა განყოფილება.
დელეგაციის ჩამოსვლის მიზანი: ბრიტანეთის პარლამენტის და ინგლისის ანგლიკანური ეკლესიის დავალებით ხვდებიან საქართველოში ხელისუფებისა და რელიგიათა წარმომადგენლებს მეგობრობისა და თანამშრომლობის შენების მიზნით. თბილიში ისინი შეხვდნენ საქართველოს ხელისუფლების წარმომადგენლებს (დავით უსუფაშვილს, გიგა ბოკერიას, პაატა ზაქარეიშვილს, გიგი უგულავას). ბათუმში მოწვეულნი არიან ქართველ მუსლიმთა კავშირის მიერ. სამშაბათ საღამოს შეხვდნენ კავშირის თავმჯდომარეს, ბატონ ზურაბ (ქემალ) ცეცხლაძეს, და კავშირის თავმჯდომარის მოადგილეს, ბატონ ტარიელ ნაკაიძეს. სტუმრები საღამოს ეწვივნენ ორთაჯამეს და და გაეცვნენ ქართველი მუსლიმების ცხოვრებას და ასევე ჯამეს ისტორიას საბჭოთა პერიოდში და დამოუკიდებლობის გამოცხადბის შემდეგ.
მეგობრობის ნიშნად ქართველ მუსლიმთა კავშირის წევრებმა, ბათუმელმა მუსლიბებმა თავიანთ ბინებში დააბინავეს და გაუმასპინძლდნენ ბრიტანელ და ამერიკელ სტუმრებს.

აშშ დელეგაცია


1.
როი მედლეი (ნიუჯერსი), ჩრდილოეთ ამერიკის ეკლსიათა საბჭოს პრეზიდენტი. ეკლესიათა საბჭო აერთიანებს ყველა ეკლესიას შეერთებულ შტატებში. ამავდროულად იგი არის ამერიკის ბაპტისტური ეკლესიის გენერალური მდივანი, აშშ. რამოდენიმე წლის წინ იგი გაეცნო საქართველოში მუსლიმთა და ქრისტიანთა მეგობრობის ტრადიციას, რამაც ის შთააგონა შეერთებულ შტატებში დაეწყო აქტიური მოღვაწეობა მუსლიმთა და ქრისტიანთა შორის ურთიერთობის გასაღრმავებლად.

2.
ვირჯინია ჰოლმსტრომი (პენსილვანია), ამერიკელ ბაპტისტ ქალთა ნაციონალური საზოგადოების აღმასრულებელი დირექტორი.
3.
ნენსი ადკინსი (დასავლეთ ვირჯინია), ქალთა საზოგადოების ხელმძღვანელი
4.
ბარბარა ანდერსონი (მასაჩუსეტსი), ქალთა საზოგადოების ხელმძღვანელი
5.
ლაურა აუსტინი (კონექტიკუტი), ქალთა საზოგადოების ხელმძღვანელი
6.
ელიზაბეტ ქონგდონი (ვაშინგტონი), ქალთა საზოგადოების ხელმძღვანელი
7.
კარენ კონოვერი (ვაშინგტონი), ქალთა საზოგადოების ხელმძღვანელი
8.
ლორნა ჰანსენი (მაინე), ქალთა საზოგადოების ხელმძღვანელი
9.
კაროლ მაკვეტი (ილინოისი), პასტორი
10.
მარსია სტრიიტ (აიოვა), ქალთა საზოგადოების ხელმძღვანელი
11.
კაროლ სატტონი (ვაშინგტონი), ქალთა საზოგადოების ხელმძღვანელი
12.
ჯუნ ტოტტენი (კალიფორნია), ქრისტიანული საზოგადოებისა და სარწმუნოებათაშორისი ურთიერთობების კომიტეტის თავმჯდომარე, აშშ ამერიკელ ბაპტისტთა ეკლესიები



 
ქართველ მუსლიმთა კავშირის ვიზიტი ევროპის პარლამენტში ბეჭდვა ელფოსტა

 

 

  10/01/2013

 

2013 წლის 9 იანვარს ბელგიის დედაქალაქ ბრიუსელში, ევროპის პარლამანეტში, ევროპარლამენტის წევრის, საჯაად კარიმის მხარდაჭერით, გაიმართა საერთაშორისო კოლოკვიუმი თემაზე ევროპელ მუსლიმთა ინიციატივა სოციალური ერთობისთვის: მუსლიმთა ძირითადი უფლებების დაცვა და ხელშეწყობა“, კოლიკვიუმის ორგანიზატორი იყოევროპელ მუსლიმთა ინიციატივა სოციალური ერთობისთვის“ (EMISCO). მხარს უჭერდნენ ორგანიზაციები: „ევროპის კონსერვატორებისა და რეფორმისტების ჯგუფი“ (ECR), “კოჯეპ ინტერნაციონალი“ (KOJEP), „მშვიდობის, სამართლიანობისა და ადამიანის უფლებებისათვის საერთაშორისო ინსსტიტუტი (IIPJHR), „ბრიუსელის ისლამის მეცნიერებეთა ფაკულტეტი“ (FSIB), საერთაშორისო ორგანიზაციები 

ENAR- და CEJIაღნიშნულ კოლიკვიუმზე სტუმრის სტატუსით მიწვეული იყო „ქართველ მუსლიმთა კავშირი“ კოლოკვიუმზე კავშირის სახელით თავმჯდომარის 

მოადგილე ბატონი ტარიელ ნაკაიძე იღებდა მონაწილეობასislam.ge. ბატონ ტარიელ ნაკაიძეს გაესაუბრა.

islam.ge. ბატონო ტარიელ თუ შეიძლება მოკლედ გვითხარით რას ეხებოდა კოლოკვიუმის თემა?

.. თავისუფლება არის ერთერთი ფუნდამენტალური ფილოსოფიური და პოლიტიკური კონცეფცია, რომელიც ამყარებს ინდივიდუალურ და კოლექტიურ ცხოვრებას დემოკრატიულ საზოგადოებაში. ის მოიცავს ორივეს, თავისუფლებას და ინტერფერენციას, ძალაუფლებასა და ადამიანის მისწრაფებების შესრულების გზებსთავისუფლება, როგორც  ზოგადი საკითხი და ასევე როგორც მისი კონკრეტული ფორმები (რწმენა, შეხედულებები, გამოხატვა და ..) სათუთად დაცულია თანამედროვე კონსტიტუციურ და ადამიანთა უფლებების დაცვის დოკუმენტში, როგორც ფუნდამენტალური უფლება. ერთის მხრივ ეს წარმოადგენს ევროპის, ევროპულ ღირებულებათა უმთავრეს საყრდენს, მეორეს მხრივ ამავე სფეროში არსებობს რიგი საკითხები, რაც თანამედროვე ევროპის აქტუალურ მსჯელობის თემადაა ქცეული. როგორც კოლოკვიუმზე გამომსვლელთა მოხსენებიდან ჩანც, ევროპული დემოკრატია ნაწილობრივ განიცდის მძიმე სოციოეკონომიკურ, პოლიტიკურ და სოციალურ კრიზისს. ევროპული დემოკრატია, რომელიც ცნობილი იყო მისი მოქალაქეების ძირითადი უფლებების (რწმენის, გამოხატვისა და სხვა) დაცვითა და პატივისცემით, როგორც ჩანს განიცდის რასიზმის, ანტისემიტიზმის, ისლამოფობიის და ძალადობის ექსტრემიზმის  აღმავლობას.

მოვლენების ასეთი სამწუხარო განვითარება არა მხოლოდ იწვევს შიშს და შფოთვას ეთნიკურ და რელიგიურ უმცირესობებში, არამედ ხელს უშლის ერთობის განვითარებას და ზღუდავს თავისუფლებას. ევროპელი მუსლიმები შეშფოთებულები არიან, კონკრეტულად არჩევნების პერიოდში, პოლიტიკურ დისკუსიების დროს გაჟღენთილი ქსენოფობიური და ანტიმუსლიმური განცხადებებით, რომელიც მუსლიმებს წარმოაჩენს მრავალფეროვნებისა და თანაარსებობის გამავრცელებელი პოლიტიკის ხელისშემშლელ ერთერთ მთავარ მხარედ. ამ დროს ევროპელი მუსლიმები ცდილობენ თვალსაჩინო გახადონ მუსლიმი საზოგადოების წვლილი ევროპის განვითარებაში, კერძოდ შრომისა და მომსახურების ბაზარზე, ბიზნესში, კულტურაში, სპორტში, დემოგრაფიულ ცვლილებებში და სხვა ბევრ სექტორში. ამ შეხვედრის მთავარი მიზანი ვფიქრობ, უფრო იყო, ევროპელი მუსლიმების მიერ, ევროპის ისევე როგორც ელიტური, ასევე რიგითი საზოგადოების დარწმუნება ანტიმუსლიმური, ანტისემიტიზმის, ისლამოფობიის, კურსის შეცვლაში და მათი თანამოქალაქეებად მიჩნევაში. შეხვედრას ესწრობოდნენ ევროპის გავლენიანი და მნიშვნელოვანი უფლება დამცველი და სხვა არასამთავრობო ორგანიზაციები.

islam.ge. კოლოკვიუმს რომელი ქვეყნიდან ესწრებოდნენ?

.. კოლოკვიუმს ესწრებოდა ევროპის ქვეყნები, საბერძნეთისა და ბულგარეთის ჩათვლით, თურქეთის, რუსეთის (ყაზანი) და უკრაინის მუსლიმური ორგანიზაციები. საქართველოდან მიწვეული იყოქართველ მუსლიმთა კავშირი“.

islam.ge. თქვენი დამოკიდებულება ზემოხსენებულ საკითხებთან მიმართებაში, თქვენ თუ გქონდათ მოხსენების საშუალება და რა საკითხებზე გქონდათ აქცენტი?

.. მსოფლიოში ისლამის მიმართ ნეგატიური დამოკიდებულების ზრდას აქვს თავისებური მიზეზიც. თუ დასავლეთში მუსლიმთა რაოდენობრივი ზრდა და მნიშვნელოვანი დემოგრაფიული მონაცემების ცვლილება ადგილობრივი მოსახლეობის გაღიზიანებასა და მუსლიმთა გაუტანლობას იწვევს. აღმოსავლეთში ეს სხვაგვარადაა, რაც უფრო ძალადობის ინსცენირებაში, ისლამის სახელით ჩადენილი სხვადასხვა ტერორისტულ აქტებით გამოიხატება. თუმცა ერთ შემთხვევაშიც და მეორე შემთხვევაშიც შეინიშნება ნაკლები ინფორმულობა ისლამის შესახებ. ისლამის ძირითადი დოგმატიკისა და საფუძვლების უცოდინრობა. ისლამი დაფუძნებულია ერთ მთავარ საყრდენზე, რაზეც ყურანში უზანაესი ღმერთი ბრძანებს. ისლამში იძულება არაა, გზა ჭეშმარიტებისა ნათლადაა გარჩეული ცდომილისაგან“. სამწუხაროდ ისლამის ეს მთავარი პრინციპი არამუსლიმებთან ერთად ძალიან ბევრ მუსლიმსაც კარგად არ ესმის.

რაც შეეხება ჩემს გამოსვლას, პირველ რიგში გეტყვით რომ ჩვენი ორგანიზაცია მიწვეული იყო სტუმრის სტატუსით. მე მომეცა საშუალება მოკლედ მესაუბრა საქართველოში ისლამის წარსულისა და თანამედროვეობის შესახებ. ევროპელ მუსლიმებს გავაცანი საქართველოში მუსლიმთა მგომრეობის, უფლებების, ამ საკითხებში მიღწეულ წარმატებებსა და ჯერ კიდევ არსებულ პრობემებზე. აღმოჩნდა, რომ საერთო პრობლემებიც გვაქვს. კერძოდ განათლების სფეროში, რაც კონკრეტულად ეხება რელიგიის საგნის სწავლებას. დომინანტი რელიგიების გავლენას საგანზე და საგნის არასწორმიმართულებით სწავლებას. აღნიშნულ პრობლემის მოგვარებისათვის შეხვედრაზე გაკეთდა სახელმძვანელოს მუსლიმთა მიმართ შეუწყნარებლობისა და დისკრიმინაციის ცნობარი (სახელმძღვანელო) პედაგოგებისათვის- ისლამოფობიის გადაჭრა (გადაწყვეტა) განათლების მეშვეობით“ (guidelines for educators on countering intolerance and discrimination against muslims- addressing islamophobia through education) პრეზენტაზიაც. ეს სახელმძღვანელო მომზადებულია ეუთო- დემოკრატიული ინსტიტუტებისა და ადამიანის უფლებათა ოფისის (OSCE) და  UNESCO მხარდაჭერით.  ვფიქრობ მომავლისთვის საქართველოშიც გამოგვადგება ამ გამოცდილების გაზიარება.  

ევროპელებს გავაცანი ჩვენი ორგანიზაციის საქმიანობის შესახებ, დავამყარეთ ურთიერთობები სახვადასხვა ევროპულ არასამთავრობო უფლებადამცველ და სხვა ორგანიზაციენთან. ევროპის კონტინენტზე ასეთი შეხვედრა ქართველი მუსლიმებისთვის პირველი იყო და იმედია შემდგომშიც ნაყოფიერიც იქნება. როცა საქართველოს მუსლიმების შესახებ მქონდა საუბრები შეხვედრაზე წარმოდგენილ ორგანიზაციებთან, ხშირად მისვამდნენ კითხვას ჩემს წარმომავლობაზე, წარმოშობით აზერბაიჯანელი ან თურქი ხომ არ ვიყავი. მექმნებოდა შთაბეჭდილება, რომ ევროპელმა მუსლიმებმა და აქედან გამომდინარე სხვებმაც ნაკლებად იციან საქართველოში ქართველი მუსლიმების არსებობის შესახებ. ალბათ ჩვენი ამ შეხვედრაზე მონაწილეობით ბევრი სწორი ინფორმაცია მივაწოდე საქართველოში მცხოვრები მუსლიმების შესახებ. ჩვენი და ევროპელი მუსლიმების ურთიერთობები კვლავ გაგრძელდება.

 islam.ge 

 

 

 

 

 
მეჩეთებს კულტურული მემკვიდრეობის ძეგლის სტატუსი მიენიჭა ბეჭდვა ელფოსტა

 

კულტურისა და ძეგლთა დაცვის მინისტრის, ნიკოლოზ რურუას ბრძანებით, საქართველოს სხვადასხვა რეგიონში არსებულ 24 მეჩეთს კულტურული მემკვიდრეობის უძრავი ძეგლის სტატუსი მიენიჭა.

მინისტრის ბრძანება #3/86 უკვე გამოქვეყნდა საკანონმდებლო მაცნეში.

დანართში, რომელიც თან ახლავს მინისტრის ბრძანებას, ჩამოთვლილია ის ობიექტები, რომლებსაც მიენიჭა კულტურული მემკვიდრეობის უძრავი ძეგლის სტატუსი, მათ შორისაა მეჩეთები, რომლებიც განთავსებულია ახალციხის, ასპინძის, ადიგენის, ბოლნისისა და მარნეულის მუნიციპალიტეტებში.

უცნობია, უკავშირდება თუ არა აღნიშნული ბრძანების გამოცემა ხელშეკრულებას საქართველოსა და თურქეთს შორის. აღნიშნული ხელშეკრულების თაობაზე ცნობილი მას შემდეგ გახდა, რაც საქართველოს კულტურის მინისტრი თავის თურქ კოლეგას შეხვდა და განაცხადა მიღწეული შეთანხმების შესახებ.

დაწვრილებით...
 
ბათუმის მეჩეთები (წარსული და თანამედროვეობა) ბეჭდვა ელფოსტა

რუსლან ბარამიძე
ისტორიის აკადემიური დოქტორი

ნაშრომში ასახულია ბათუმში არსებული მეჩეთების ისტორია ქალაქის ისტორიის კონტექსტში ოსმალეთის პერიოდიდან მოყოლებული საქართველოს

დაწვრილებით...
 
შედარებითი მიდგომა ისლამისადმი და დემოკრატიისადმი ბეჭდვა ელფოსტა

რელიგია, განსაკუთრებით კი ისლამი, ბოლო წლების განმავლობაში გახდა მსჯელობის ყველაზე რთული საგანი. თანამედროვე კულტურა მას უახლოვდებოდა ან ანთროპოლოგიის, ან თეოლოგიისა და ფსიქოლოგიის, ან ფსიქოანალიზის თვალსაზრისით და აფასებდა მას ემპირიული მეთოდებით.

 ერთის მხრივ რელიგია არის მოვლენა, რომელსაც ადამიანი შინაგანად გრძნობს და განიცდის, რომელსაც აქვს ურთიერთობა მისი ცხოვრების რეგულარულ და შეუცვლელ ასპექტებთან, მაგრამ მეორეს მხრივ, ზოგიერთ მორწმუნეს რელიგია შეუძლია განიხილოს, როგორც ფილოსოფია, რაციონალური პრინციპების კრებული ან უბრალოდ მისტიციზმი. სირთულე იზრდება, როდესაც საქმე ეხება ისლამს, რადგან ზოგიერთ მუსლიმანს და პოლიტიკოსს წარმოდგენილი აქვთ ის, როგორც სუფთა პოლიტიკური, სოციოლოგიური და ეკონომიკური იდეოლოგია და არა, როგორც რელიგია.

თუ ჩვენ გვინდა ზუსტად გავაანალიზოთ რელიგია, დემოკრატია, ფილოსოფია ან რომელიმე სხვა სისტემა, ყურადღების გამახვილება გვმართებს ადამიანის ბუნებასა და ადამიანურ ცხოვრებაზე. ამ თვალსაზრისით, საერთოდ, რელიგია, კერძოდ ისლამი არ შეიძლება შევადაროთ დემოკრატიას ან სხვა რომელიმე პოლიტიკურ, საზოგადოებრივ და ეკონომიკურ სისტემებს, ერთნაირი მიდგომით. რელიგია ყურადღებას ამახვილებს ცხოვრებისა და ყოფის, არა დამატებით და უცვლელ ასპექტებზე, იმ დროს როცა პოლიტიკურ, საზოგადოებრივ და ეკონომიკურ სისტემებს ჩვენი ცხოვრების მხოლოდ განსაზღვრული და მუდამ ცვალებადი საზოგადოებრივი ასპექტები აღელვებს.

დაწვრილებით...
 
ქართველმა ქრისტიანმა ქალმა ისლამი აღიარა ბეჭდვა ელფოსტა

 ქართველი დედა და შვილი, რომლებიც 14 წელია თურქეთის რესპუბლიკის ქ. მანავგატში ცხოვრობენ ისლამი მიიღეს. ქართველებმა 34 წლის ეთერმა და 13 წლის ნინელიმ ისლამი მანავგატის მუფთის ჰალილ თაშის  წინაშე აღიარეს. მანავგათის მუფთმა მათ ჭეშმარიტების აღიარება მიულოცა და საჩუქრად ისლამის შესახებ ქართულად თარგმნილი წიგნი, „ჩემს სარწმუნოებას ვსწავლობ“

დაწვრილებით...
 
ისლამი და დემოკრატია ბეჭდვა ელფოსტა
ისლამი არის ქრისტიანობის შემდგომი უძველესი რელიგია. იგი წარმოიშვა აღმოსავლეთის ქვეყნებში და დაიკავა დომინანტური როლი რეგიონში. ჩვენი განსახილველი თემა არის ისლამისა და მოდერნულ-დემოკრატიული სამყაროს დამოკიდებულების განხილვა შეფასება. ორივე სამყარო როგორც აღმოსავლეთის ისე დასავლეთის გარკვეული ისტორიული კანონზმომიერების შედეგია. ერთგან თუ რელიგია თამაშობდა გადამწყვეტ როლს, მეორეგან წამყვან იდეოლოგიად ლიბერალიზმი და სამოქალაქო ფაქტორი იყო. სწორედ ეს ისტორიული კანონზომიერებანი და სხვა მრავალი მასში შემავალი ფაქტორები განაპირობებს მსოფლიოს მრავალფეროვნებას.ჩვენი განხილვის მიზანია ამ ურთიერთდამოკიდებულების განხივლა, რაც ამ ორ მხარეს არსებობს. ვფიქრობ, რომ საკითხის უკეთ წარმოჩენისათვის
დაწვრილებით...
 
«დაწყებაწინა123შემდეგიბოლოს»

გვერდი 1 of 3
 

copirght © 2007 - 2014 All rights reserved